Joomla Sport Template

Манифестацијата „Good Design“, на која што беа прогласени најдобрите светски решенија од областа на дизајнот, му додели признание на Фолксваген за моделот Beetle.

- „GOOD DESIGN“ се смета за Оскар во индустрискиот дизајн,- смета Кристијан К. Наркиевиц – Лејне, кој е претседател на Музејот на Архитектура и дизајн во Чикаго, кој е организатор на оваа манифестација. - Ова е година со рекорден број на пријави од илјадници дизајнерски фирми и корпорации. Постои изненадувачки нов висок дизајн на потрошувачки производи кои доаѓаат од Турција, Кина, Индија и Бразил,- вели тој во официјалното соопштение за наградите во 2011 година.

- Доделените награди се прекрасна можност да се разбере состојбата во глобалниот дизајн денеска. Овие безброј проекти доаѓаат од толку различни географски подрачја, брендови, производители и дизајнерски студија. Преку нив, можете да го видите дизајнот што му дава форма на нашиот свет, како и блиската иднина,- верува Џорџо Борусо, член на жирито.

Наградите се поделени во 25 категории, а во доменот на транспортот има 19 признанија. Меѓу нив се решенијата за ултра-брз воз од Бомбардиер, палета на решенија од БМВ за авион, јахта, возила и мотоцикли, додека од другите производители на автомобили награди имаат уште Мерцедес, Киа, Хјундаи и Волксваген. Според соопштението до медиумите, се наведува дека наградата за Фолксваегн Буба е заради нејзиниот модерен и естетски изглед, кои го продолжуваат имиџот на оваа икона која веќе наполни 73 години, заедно со еколошкиот мотор, спортскиот стил и најсовремените комуникациски технологии.