Joomla Sport Template

Лотус Рено го потврди Жером Д`Амброзио како свој тест и резервен возач, со што ја комплетираше поставата за 2012 година.

Потегот на Лотус беше очекуван бидејќи белгискиот возач е менаџериран од страна на Гравити, агенција што се грижи за кариерата на неколку млади возачи, а чиј директор пред ангажманот во Лотус беше сегашниот тимски шеф Ерик Булие. Лани овој пилот се натпреваруваше за Марусија Вирџин, но сега екипата за 2013 го ангажираше Шарл Пик, дебитант кој доаѓа од ГП2 серијата, каде што минатата сезона оствари две победи и две втори места, а на тестот за млади возачи во Абу Даби веќе беше зад воланот на оваа екипа.

- Одлично е чувството да се приклучиш на Лотус Ф1 тимот. Тоа е возбудлив чекор во мојата кариера. Се натпреварував цела сезона во Формула 1 како тркачки возач за мала екипа инаучив многу за Формула 1. Сега ја имам шансата да работам со врвен тим, кој има голем потенцијал за мој иден развој. Со моето неодамнешно тркачко искуство, можам да дадам значителен придонес. Се разбира, би сакал да се тркам, но со голем тим. Поголеми придобивки би требало да имам со Лотус и затоа го направив овој избор. Оваа шанса е една и не смеев да дозволам да ја испуштам. Мојата желба е да се вратам во тркачкото седиште, па желбата тоа да се случи во иднина ме мотивира да си ја завршам работата што е можно подобро на мојата нова позиција,- вели Жером Д`Амброзио во официјалното соопштение за медиумите.
Лотус претходно ги ангажираше Кими Раиконен и Роман Грожан, обајцата повратници во Формула 1. Раиконен последната трка ја возеше за Ферари во 2009 година, а младиот Французин истата сезона беше ставен како замена за Нелсињо Пике, но беше во сенка на Алонсо. Лани во Лотус на хартија имаше неколку резервни возачи, но кога Кубица се повреди, доверба му беше дадена на Ник Хајдфелд, а во средината на сезоната неговото место му припадна на Бруно Сена, кој беше еден од повеќето тестери на тимот.