Joomla Sport Template

Хеики Ковалаинен смета дека со новиот болид ќе се доближат до екипите кои во минатата сезона им беа на дистанца од една секунда по круг, најмногу поради употребата на КЕРС уредот.

Возачот на Кетерхем е задоволен што екипата за прв пат во својата историја ќе го користи електромоторот како извор на дополнителни перформанси, а техничкото решение го преземаат од Ред Бул, кои исто така го користат моторот на Рено. Финецот по двете сезони во Мекларен покрај Хамилтон, сега две години беше инволвиран во развојот на новата екипа и смета дека е дојдено времето кога можат да влезат во дуел со други екипи. Во 2011 година, на табелата на конструкторите Вилијамс беше деветти, што е најлош пласман во историјата на некогашните шампиони, па се верува дека Кетерхем сега ги таргетира Заубер и Торо Росо, кои лани до последната трка беа во дуел за седмото и осмото место.

- КЕРС е нешто што ќе ни овозможи да се тркаме со тие околу нас, особено на стартот од трката,- изјавил Ковалаинен за Скај Спорт. - Во смисла на времето за еден круг, тоа би требало да придонесе со околу четири десетинки по круг,- дополнува Финецот.

Во интервјуто по повод презентацијата на новиот болид тој посочува дека сакаат да се приклонат кон средината на табелата и да избегнат да бидат најдобри меѓу најслабите. Ланската сезона тие ја завршија со разлики од пет десетинки до секунда и половина задоцнување зад пилотите на Заубер, Торо Росо и Вилијамс.

{fcomment}