Joomla Sport Template

Поранешниот тимски шеф на Рено, Флавио Бриаторе, во интервју за италијанското државно радио РАИ, изјави дека очекува промена на врвот од табелата на крајот од 2012 година.

Бриаторе беше разрешен по скандалот во Сингапур 2008 година, но иако доби ослободителна судска пресуда, се уште е надвор од Формула 1, иако ги задржа клиентите меѓу возачите како Фернандо Алонсо и Марк Вебер. Оттука, се претпоставува дека тој има добар инсајдерски поглед на нештата кои се случуваат далеку од очите на јавноста, па согласно тоа може да понуди и релевантни предвидувања.

- Ред Бул имаа голема предност и работеа мошне тивно последниве месеци. Можам да го видам Ферари како се доближува на две три десетинки, а ако тоа се случи, тогаш Фернандо и Ферари ќе бидат шампиони,- заклучува Бриаторе.

Воедно, тој побара од Ферари да има подобар втор возач, кој ќе му помага на Шпанецот во остварувањето на шампионските амбиции.

- Ланската сезона беше разочарувачка, но Маса се врати во трките по неговата несреќа, а претходно беше добар. Вториот возач мора да биде во хармонија со Алонсо. Титулата се освојува од еден возач и тимот мора да се сконцентрира на тоа,- ја објаснува Флавио својата логика.