Joomla Sport Template

Силните врнежи на снег го принудија Ферари да ја откаже церемонијата за лансирање на новиот болид што Алонсо и Маса ќе го имаат за 2012 година.

Италијанската фирма уште два дена пред настанот објави дека Маранело е завеано и дека јавните установи како училиштата во провинцијата на Модена нема да работат најмалку до крајот на седмицата. Покрај високите снежни наноси, како причина се спомнува и температурата од -10 Целзиуси, што предизвикува голомразица и ги прави патиштата опасни.

Со ова компанијата посочи дека отпаѓа и планираното снимање на видео клип за промотивни цели, но ги упати сите заинтересирани да ја следат страницата www.ferrarif1.com за откривањето на болидот кое сепак ќе се случи според планот, на 3 февруари. Сепак, моментот беше искористен за да се промовира соработката на групацијата Фиат со Крајслер, па Алонсо и Маса во овие услови одлично поминале бидејќи добиле на располагање Џип Гранд Чироки СРТ8, кој се лансира како најбрз и најмоќен во досегашната историја на брендот. Овие модели се персонализирани во Ферари стил со препознатливата „тркачка црвена“ боја (Rosso Corsa). Воедно, Скудерија објави дека во 2012 година и двете сезони потоа, компанијата ќе ги користи тркалата на О.З. произведени во италијанскиот град Падуа.