Joomla Sport Template

Болидот на Ферари ќе го носи името Ф2012 и е комплетно различен од својот претходник. Најприметливо секако останува снижениот преден дел поради налагањето на правилата, поизострени странични делови со цел да има подобар проток на воздухот и двојни отвори за воздух на покривецот на моторот, слични како на оние на Мекларен од 2011-та. Со забраната на издувните дифузери Ферари се надева дека конечно ќе биде компетитивен и ќе ги предизвика ривалите во борбата за титулата.

Иако највпечатливо на новиот болид е изгледот, според Стефано Доменикали, тоа воопшто не е важно бидјеќи новиот болид во поглед на дизајнот е најагресивниот до сега.

- Искрен да бидам, не убав болидот од моја перспектива, но таа вредност не важи во Ф1. Како што знаете ова се избори во склоп на правилата и секако максимизација на перформансите. Лука ди Монтиѕемоло исто така рече дека фактот што болидот е грд не значи многу и дека најбитното нешто е како болидот ќе се однесува на патеката,- изјави Доменикали.

Доменикали исто така изјави дека е охрабрен од фактот што тимот направил нешто сосема различно до сега и се надева дека трудот ќе се исплати и на патеката.

- Побарав промена во пристапот на дизајнирање и од она што можеме да го видиме е секако заклучокот дека е доста различен. Различен е и од механичка и од аеродинамичка природа. Со ова сигурен сум дека веќе е нешто постигнато , но најсреќен ќе бидам кога ќе видам дека болидот е повторно компетитивен,- заврши Доменикали.