Joomla Sport Template

Новиот болид ќе биде возен од страна на Пол ди Реста и Нико Хулкенберг и како и во останатите случаи, најзабележително повторно е снижениот преден дел, сличен како на Ферари и Катерхем.

Ди Реста изјави дека целта на тимот ќе биде да се претекне тимот на Лотус и да се заврши на петтото место во конструкторскиот шампионат кој во 2011-та им избега за само 4 поени.

- Нашата цел е голема, а таа да бидеме петти како конструктори. Со цел да го постигнеме ова треба, треба да престигнеме еден друг тим, кој зад себе има голема историја. Треба да го направиме следниот чекор во нашата посветеност и позитивните вибрации се тука, и сигурен дека сме подготвени за борба и се надевам дека овој болид ќе ни ја даде таа компетитивност,- изјави Ди Реста.

Техничкиот директор Енди Грин изјави дека новиот болид е сосема различен од своите претходници.

- Форс Индија цели кон петтото место во шампионатот и за оваа цел, тимот завзеде комплетно нов пристап. Најголемата промена за нас е аеродинамиката, од предниот дел каде што имаме ново предно крило и е постулат за останатото од болидот. Ни требаше доста време да се одвикнеме од старата филозофија. Направивме одредени тестови за време на минаттата сезона со цел да се тргнеме нанапред и тоа беше знаењето кое го искористивме во зимата со цел да го дизајнираме предниот дел според нов концепт.  Ова значи дека врската помеѓу минатогодишниот болид и овој е раскината и бројките во воздушниот тунел се навистина охрабрувачки со што со нетрпение очекувам да се појави на патеката и да видам што може да направи,- изјави Грин.