Joomla Sport Template

Според Рено, нивниот агрегат е причината зошто Ред Бул имаат неверојатен успех во Формула 1.

Австрискиот тим доминира на патеката последниве неколку години без разлика што дел од останатите тимови користат агрегати на Мерцедес кои се всушност и помоќни за разлика од тие на Рено. Сепак според Жан-Францис Кобе агрегатот на Рено има и свои предности спрема своите конкуренти.

- Нашиот мотор е подобар во поглед на економичноста и способноста да управува со него. Без разлика што агрегатот на Мерцедес има 15 коњски сили повеќе од тој на Рено, на крај можеме да кажеме дека сепак нашиот е малку подобар од нивниот, - изјави Кобе за германскиот Спорт Билд.

Според Кобе економичноста на агрегато е многу важна особено откако беа променети правила за надополнување на горивото за време на трката.

- Бидејќи потрошувачката е намалена, Ред Бул може да ја стартува трката со 15 до 18 литри помалку гориво од останатите. Тоа прави навистина голема разлика, - додаде Кобе.

Покрај ова тој се осврна и на начинот на возење на Себастијан Фетел. Германецот го искористува ефикасно горивото и е заинтересиран за сите податоци и резултати што пристигнуваат. Според Кобе тоа се двата клучни елементи за еден агрегат да функционира совршено.