Joomla Sport Template

Стара вест е дека смесите на Пирели за 2012 ќе бидат помеки, иако ќе ги задржат истите четири категории (Тврди, Медиум, Меки и Супер-меки), но изборот на сетовите за првите три гран при трки во 2012 укажува дека повторно ќе гледаме многу акција во боксовите.

Имено, на трките во Австралија и Кина се предвидени помеки смеси отколку во 2011 година, додека во Малезија е зацврстен изборот, иако смесите ќе бидат помеки споредено со лани. Дополнително, забележлив е пристапот дека се бираат две сосесдни смеси на скалата на мекост, за разлика од претходно востановената пракса да се користат гуми со поголема разлика со идеја да се зачини стратешката борба.

Според правилата, секој возач ке добие шест сета од потврдата смеса, како и пет сета од помеката смеса за секој гран при викенд. Во правилата за 2012 година е дозволено возачите (ако сакаат) да ги започнат сите сетови, но по завршетокот на тренинзите враќаат дел од гумите согласно утврдената динамика (по петочните тренинзи и по саботните тренинзи). Кога станува збор за гумите за дожд, возачите ќе добијат четири сета од интермедија варијантата и три сета од најекстремната спецификација за дожд.