Joomla Sport Template

Бриџстоун е ексклузивен снабдувач на Мото ГП шампионатот и подготвува гуми за сите екипи од кралската класа.

Ф1 Алманах ви го пренесува видео материјалот објавен од страна на јапонската фабрика во пресрет на сезоната 2010, а во кој се објаснува работата на нивните гуми. Презентирани се три ситуации, и тоа на последниот свиок од патеката Филип Ајленд во Австралија, каде што постои оптоварување на левата страна од задната гума, наспроти вториот пример со последниот свиок на Каталуња, каде што оптоварена е задната десна страна во долгиот последен свиок. За да не биде се едноставно, прикажана е и симулација од првиот свиок на Сепанг, бидејќи таму товарот паѓа на предната гума при сопирање на правецот.

Сите овие примери ја објаснуваат потребата за користење на асиметрични пневматици, каде што едната страна е изработена од помека, а другата страна (која е пооптоварена) од потврда компонента.