Joomla Sport Template

Мико Хирвонен и совозачот Јармо Лехтинен го напуштаат фабричкиот тим на Форд за да му се приклучат на Ситроен, каде што ќе бидат тимски колеги со седумкратниот првак Себастијан Леб.

Ситроен доминира во светското рели првенство веќе цела деценија, а Хирвонен во два наврати беше вице-шампион (2009 и 2011 година). Нивниот трансфер се случува на сметка на Себастијан Ожие, кој од младинскиот рели тим на француската фабрика доби шанса да вози во најсилната конкуренција, прво со Кими Раиконен, а потоа и со Себастијан Леб. Иако сезонава оствари пет победи и имаше договор до крајот на 2013 година, сепак Ожие е ослободен од договорот и најверојатно ќе бара ангажман во Форд. Договорот на Хирвонен е тајна во поглед на финансиите, но се однесува на следните две сезони во рели шампионатот, започнувајќи веќе во јануари со трката во Монте Карло.